هايات واجدات فور افري ون..اليوم ودي اسولف مو لاني احب الهذر بس لاني مالي الا هو..اكيد كلن قد مر عليه ذالموقف او كثير قد مر عليهم..تقومون الصباح متحمسين وداجين مالكم الا النت وتنزلون الاب توب من غرفكم وتشغلونه ويصير لاب توب ابو رفسة ياااااااالله يقعدله ربع ساعة على ماتفتح البرامج وتقتدرون تشبكون النت ..ثمن اذا شبكتوا سلك التلفون وضغطتوا اتصال يقولك عدم تسديدك للفاتورة أدى إلى قطع الخدمة عنك مؤقتا!!!!...بالله وش تسوون وقتها؟؟!!...العيال علطول بينسف شماغه على كتفه ويشغل ابو العراوي وعلى اقرب كوفي انترنت...طيب والبنات؟؟..بتنسف عبايتها عليها وتلقط لاب توبها وتسيرعلى بنات جيرانهم وتقول والله مبطيتن عنكم ولهتن عليكم!!وتحاول تكتم ضحكتها على روحها وهي تنصب!!..بس اللي مالها بنات جيران والا يدرسون موب مثلها عواطلية وش تسوي؟؟...ترجع تنام ثانية؟؟خلاص طار النوم!!..مالها الا انها تفتح الوورد وتهذر لين تحول عيونها من ذالخطوط الحمر والخضر اللي يطلعه الوورد تحت الحتسي اللي مايجوزله..والمشكلة بيقعد تلفونا يومين على ذالحالة لين يستوعب أبوي..!!

مممممم وش نسولف فيه؟عن الأفلام الهندية؟<<لها ثلاث ايام وهي معلقة على فلم هندي واحد كل يوم تشوفه...والله يالأفلام الهندية تحسسني ان الدنيا الى الان بخير..ناس تحب من قلب..حبيبته يجيها حادث وتقطع رجلينها ويقلب الدنيا عليها يدورها لين يلقاها ويتزوجها وهو مبسووووط ضحكته شاقتن خشته ذالزينه شق...موب مثل تماسيحنا الله يخلف..تسأله تحبها؟؟.يقول ايه مووت...طيب تتزوجها؟..تطير عييناته ذالحمص ويقول لا طبعا..مهبول انا اتزوج وحده احبها؟.ليش طيب؟..يقول لا انا ابي اتزوج وحده ماتعرف ماضيي التعيس الأسود..ههههههههههه والله ناس مادري مع وين تفكر..

عاد كله كوم والا اذا جاكم بطل الفلم ذاك الاطخم كوم ثاني...ولد روشان عجزت اقرا اسمه الاول..هيرتيك او مدري هريثيك روشان...هذا اسمه الفني توم كروز بوليود..عاد يخسى توم كروز عنده!!..

خصوصا اذا اجتمع مع كارينا كابور ..يهبلوووووون والله ياهي فنانة من جددد..في نظري احسن ممثلة في العالم..تمثل من قللللب..كل شي فيها معبر..ياملحهم بس ذالهنود

المهم نطلع من سالفة الهنود شوي..نجي لسالفة كونداليزا رايس ذالشينة جاية للسعودية مدري وش تبي ذالشينة تميلح عندنا!! الظاهر انها تبي ريال!!..ياحلالاة من ينتف شوشتها ذاللي من عرفناها وهي بهالتسريحة وبهالقصة..ياجعلها لانفلونزا الطيور اللي يطيرها هي واللي مرسلها

الا مير على طاري انفلونزا الطيور فيني انفلونزا من اسبوع ونص ماطاعت تروح..والله الواحد قام يوسوس ..اللي عندهم دواجن بمزرعتهم بالله لاحظوها وشيكوا عليها كل بعد كل شوي<<من زود الروعة معد تعرف تحتسي...ويقولون من أعراض الطيور المريضة انو يكون ريشها خشن وتصير هادية ومنزوية عن ربعاتها قاعدة بلحالها كن فيها توحد..

المهم انا صكتني الروعة وحومت تسبدي ذالخطوط الحمر مدري وش بلاه ذالوورد ماجازله حتسيي...لنا لقاء قريبا انشالله اذا قطعوا تلفونا بعد شهرين ههههههههههههههههه

بايووووووووووو 

هاااااااااي إفري ون...حياكم الله في سبيسي المتواضع...وهو طال عمركم من اسمه..بربسة..يعني شغل عليمية..جازتلي حكاية السبيس وانا من عرفت النت وانا امنيتي اسويلي موقع بس انا اتمنى شي وانا متربعة منيب اتحرك بس يوم شفت الدعوى سبيسات <<ابووك ياللغة الجديدة..اقول يوم شفت الدعوى سبيسات وفلة قلت بسسس ..جاك يامهنا ماتمنى..هذا مويقع..موب موقع..مويقعن صغير ولا اسهل من طريقته..فكرت اسويه اليوم وتعلمته وسويته من بكره..بس ولو.. الى الحين يقرقع ولا أعرف أحط مواقع ولا أغاني ولا سجل زوار ولابطاقات...بس وش ورانا؟؟!!.نبربس ليــــــــــــــن نعرف انشالله..بنقعد نبربس بهالنت لين تشتغل المدن الصناعية النسائية اللي يقول عليها غازي القصيبي ونتوظف, كود القا لي شغل فيها لو افكك مسامير..والا ان احترينا  التدريس عز الله أدودت روسنا ونسينا دراستنا ماحصلناه!!..هذا احسن مافي السبيس ان الواحد يقعد يفضفض ويحتسي ليـــــــــــــن يشبع كنه يحاتسي روحه ..عاد انا بأشوف ان جازتلي الدعوى باسويلي خمس مية إيميل وكل ايميل باسوي فيه سبيس..عشان ان خلصت مساحة واحد اروح أهذر في الثاني...لين يوظفني غازي القصيبي والا والله لأخلي مايكروسوفت  بكبرها تشتكي مني وتقول وظفوها فكونا منها هههههههههههههههههههههه<<توقعي بس يالقوية ..